轉天氣，亦係轉skincare嘅時候。今次就少少哋分享住兩隻比較多人識嘅牌子先✌🏻
.
最近第一次用陳法拉
有樣嘢真係不吐不快，個泵頭設計實在係冇得再差🙄 個口已經勁大好難控制份量又好易整污糟個頭㗎啦，吖你夠膽死一時便秘一時爆肛㗎喎，大佬啊我塊面識變形咩？次次都出唔同份量俾我🤦🏻♀️ 就算我慢慢唧都未必ok, 因為佢有時會突然噴咗一pat出嚟。我諗我真係成枝放入枝牙膏度都好唧過佢本身💩點解可以賣咗咁多年都唔改善仲要係產品特色？
.
講番啲面霜，首先係極濃香味😭但見佢個網原來有無香料配方，咁就放你一馬先。佢吹到一拖七，其實有冇做齊7種功效就好難講，但有一點都想提下，就係「細緻毛孔」「均勻膚色」「撫平細紋」呢幾樣真係見到嘅，塊面搽完會立即細緻咗少少，又透亮咗。加埋spf15，又送咗右邊嘅面膜兩塊，我覺得都算係咁！（記得買無香料，同要同個泵頭鬥眼明手快）
***
至於用光光的Vichy
賣點係用溫泉水，有好鬼多礦物質同保濕成份呀咁，又防敏感
由於呢個係rich版, 所以質地都幾厚下，少少都夠搽全面，好適合而家開始變凍變乾嘅天氣，好啱乾肌用（換句話說，中性至油性用前三思）
.
但唔知係咪太唔著重護膚，呢樽咁滋潤咁厚身嘅cream偏偏係我夏天最熱最笠用到而家用完咗，因為當時面霜用曬家中只有呢個😂但又竟然唔見有咩塞毛孔爆瘡，所以佢防敏感呀舒緩方面呀應該真係唔錯嘅🌚
***
價錢方面 後補！
_
Search